Bizkaiko Aguirre Fundazioak ehun urte bete zituen, La Comercialen, gaur egun Deusto Business School denaren, mendeurrenarekin bat eginez. Izan ere, La Comercial martxan jartzea izan zen fundazioaren lehen obra handia. Efemeridea ospatzeko, bi erakundeen arteko mende bateko lotura estua agerian utzi zuten zenbait ekitaldi eta ekimen egin ziren.
📷 Rafael de Icaza, garai hartan Bizkaiko Aguirre Fundazioko presidentea, Mendeurrenaren oroitzapenezko kontzertua aurkezten, Euskalduna Jauregian, Bilbao Orkestra Sinfonikoarekin eta, bakarlari gisa, Nemanja Radulović biolin-jotzailearekin. Bilbo, 2016
